Foto: Shutterstock

Majčice Marijo

Ki se k Tebe ni dohajal
Pod Tvoje sej skute stavljal
Klječal,
molil i prosil,
zahvaljival.
Ranjena si utješila,
dušu si mu nahranila.
Mnogu si suzu otrla,
sakoga si razumela.
Od nikoga nisi glavu obrnula
aš Tvoja ljubav je kod svemir vela.
A leh jednoga sinka si imela
koga ti je naša slabost zela.
Majčice Marijo,
ki je Tvoju suzu otrl
kad olela Te je duša bolela.

Visoko gore

Visoko gore
kade ni oblaka
ni sunca,
kadej križ i muka,
Visoko gore,
va samoće;
mučno telo počiva.
O Bože, o Bože,
o Oče moj…
Na rane rana.
Telo zimučeno.
Va krvčice obučeno.
Va bolu okovano.
Va sramu prikovano.
O Bože, o Bože,
o Oče moj…
Žrtveni dar.
Krvava žrtva ljubavi čiste
za nas sej dal.

Janja Kružić; Book.hr